Denne rapporten vurderer om det er grunnlag for samanslåing av verksemder under Kultur- og likestillingsdepartementet eller mogleg samarbeid om administrative tenester. Formålet er å leggje til rette for ei styrkt forvaltning, med vekt på krav til kvalitet, kompetanse og effektivitet innanfor ansvarsområda til departementet.
DFØ-rapport 2026:6
Omstilling
Styring
Gjennomgangen finn at:
- Mange små fagmiljø gjer forvaltninga sårbar og stykkar opp kulturforvaltninga. Dette kan gi lite heilskapleg verkemiddelbruk og gjere det vanskelegare å gjennomføre gode og nødvendige prioriteringar framover.
- KORO, Kulturdirektoratet og Kulturtanken bør bli slått saman, grunna fagleg overlapp, at drifta kan bli meir kostnadseffektiv, større fagmiljø og redusert administrativ sårbarheit.
- Nidaros domkirkes restaureringsarbeider, Riksteatret og Språkrådet (arkiv) bør inngå administrativt samarbeid med verksemder som kan gi dei formålstenleg hjelp.
- Kultur- og likestillingsdepartementet bør flytte fleire oppgåver, særleg knytt til tilskotsforvaltning, kunnskapsutvikling og regelverksarbeid til underliggande verksemder.
- Kultur- og likestillingsdepartementet bør gjennomføre ein grundig og heilskapleg gjennomgang av forholdet mellom rollene og ansvaret til departementet og verksemdene i ei framtidig styrkt forvaltning.